26

خام لوہے کی قیمت میں کمی کا امکان

آسٹریلیا کی حکومت کی خام لوہے کی قیمت میں کمی کی پیشگوئی کے بعد ملک میں کان کنی کی کمپنیز کے حصص کی قیمتوں میں نمایاں کمی دیکھنے میں آئی ہے۔
حکومت کے مطابق ایک ٹن خام لوہے کی قیمت اگلے سال تک اپنی موجودہ قیمت 80 ڈالر سے گر کر 46 ڈالر تک پہنچ جائیگی۔
موجودہ قیمت کی بڑی وجہ چین کی طرف سے خام لوہے کی طلب ہے لیکن ڈپارٹمنٹ آف انڈسٹری انویشن اینڈ سائنس کے مطابق یہ طلب آنے والے سالوں میں کم ہو جائیگی۔
یاد رہے کہ آسٹریلیا دنیا میں سب سے زیادہ خام لوہا فراہم کرنے والا ملک ہے۔
گذشتہ برس کے آغاز میں بھی حکومت نے پیشگوئی کی تھی کہ خام لوہے کی قیمت 44 ڈالر تک گر جائیگی لیکن چین کی طرف سے مسلسل طلب کی بنا پر خام لوہے کی فی ٹن قیمت 80 ڈالر سے اوپر رہی۔
آسٹریلیا کے علاوہ روس، برازیل، چین اور امریکہ دنیا میں سب سے زیادہ خام لوہا فراہم کرنے والے ممالک ہیں۔

کیٹاگری میں : اہم خبریں، کاروبار

اس خبر پر اپنی رائے کا اظہار کریں

اپنا تبصرہ بھیجیں